Դա տեղի կունենա։ Դա արդեն տեղի է ունենում։ ԱԲ-ն արդեն սկսել է հեղեղել աշխատանքային միջավայրը։ Այն ընկերությունները, որոնք սկսել են ԱԲ-ն ներառել իրենց աշխատանքում, արդեն տեսնում են արդյունավետության 30% և ավելի աճ։ Սա նշանակում է, որ նրանց գործունեության արժեքը նվազում է 30%-ով։ Սա նշանակում է, որ նրանք կարող են իջեցնել իրենց գները շուկայում։ Եվ սա միայն սկիզբն է։
Եթե չսկսենք սովորել, թե ինչպես ԱԲ-ն բերել մեր ընկերություններ, մեզ բիզնեսից դուրս կմղեն ավելի շուտ, քան կարող ենք մտածել։ Մեր ողջ տեխնիկական և կիրառական փորձառությունը կարող է անօգուտ դառնալ, եթե մեր գները 30%-ով բարձր լինեն։ Մենք կվերանանք։
ԱԲ-ն տեխնոլոգիական փոփոխություն է։ Դա թռիչք է դեպի նոր S-կոր։ Իսկ նոր կորը նշանակում է նոր կազմակերպական կառուցվածք, աշխատանքի կազմակերպման նոր եղանակ։
Եվ խոսքը ChatGPT-ի մասին չէ։ ChatGPT-ն այս կամ այն չափով արդեն բոլորն օգտագործում են։ Խոսքը ChatGPT-ի մասին չէ։ Խոսքն այն մասին է, ինչը կոչվում է ԱԲ գործակալներ։ ԱԲ գործակալները բառացիորեն արհեստական աշխատակիցներ են, որոնց կարելի է աշխատանք հանձնարարել։
Օրինակ՝ արդեն կան ԱԲ գործակալներ, որոնք կարող են գրել արտադրանքների օգտագործման ձեռնարկներ՝ դրանց մշակմանը զուգընթաց։ Արդեն կան ԱԲ գործակալներ, որոնք կարող են գրել տեխնիկական առաջարկներ։ Կան ԱԲ գործակալներ, որոնք կարող են սովորել ընկերության քաղաքականությունը և որոշումներ կայացնել նրա անունից, …
Մեր աշխատելու ձևը կփոխվի, աշխատանքը կազմակերպելու մեր ձևը կփոխվի, …։ Սկզբում կարող է թվալ, թե ԱԲ-ն պարզապես ընդլայնում է մեր հնարավորությունները։ Բայց ի վերջո այն կստանձնի և կսկսի որոշումներ կայացնել մեր փոխարեն։ Սկզբում արդյունավետության աճը կարող է աստիճանական լինել, բայց հետո կգա ժամանակը, երբ աճը կդառնա հանկարծակի աստիճանաձև
ֆունկցիա։ Եվ այդ ժամանակ արդեն ուշ կլինի, եթե մենք դեռ այնտեղ չլինենք։ Արդյունավետ արտադրողը շուկայից դուրս կմղի անարդյունավետ արտադրողին։
Գուցե մեզ հիմնականում մտահոգել է տեխնիկական մրցակցությունը, բայց այժմ մեզ պետք է մտահոգի կազմակերպական մրցակցությունը։ Դասական մրցակցությունը սովորաբար նույն կորի վրա է։ Այսինքն՝ բոլոր մրցակից ընկերությունները, որպես կանոն, մրցում են նույն կորի վրա։ Բայց այն ընկերությունները, որոնք առաջ են անցնում՝ յուրացնելով հաջորդ կորի տեխնոլոգիան, կկլանեն ողջ նախկին մրցակցությունը, նույնիսկ եթե նրանց արտադրանքը զիջում է մնացածներին։
Այն ընկերությունները, որոնք ԱԲ գործակալներ չեն ներառի իրենց աշխատանքում,մնացածների համեմատ այսպիսի տեսք կունենան։Կազմակերպական կառավարում
Ի՞նչ ենք անելու ԱԲ-ի կողմից կառավարվող ընկերություններում
Հեղինակ՝ Rama, Engineering Association
Հայերեն թարգմանություն
Ի՞նչ ենք անելու ԱԲ-ի կողմից կառավարվող ընկերություններում։
Սա հարց է։
Կարճ պատասխանն այն է, որ մենք շատ ժամանակ կունենանք հետազոտությունների և նորարարության համար։
Թույլ տվեք սա պատկերել S-կորերի վրա։
Ավանդաբար մենք մեր ժամանակի մեծ մասն անցկացնում ենք տվյալ կորի վրա։
Նկ.Ժամանակի մեծ մասը ծախսում ենք ընթացիկ կորով բարձրանալու վրա։
Իսկ հետո ժամանակ առ ժամանակ տեղի է ունենում խոշոր նորարարություն, սովորաբար կորի վերջում, երբ մենք բոլորս պետք է թռչենք հաջորդ կորի վրա։
Նկ.Նորարարությունը տեղի է ունենում, երբ մենք թռչում ենք մեկ այլ կորի վրա։
ԱԲ-ի հետ տեղի կունենա այն, որ աշխատանքը, որը սովորաբար կատարում ենք տվյալ կորի վրա, կպատվիրակվի ԱԲ-ին։
Բայց ԱԲ-ն չի կարողանա ստեղծել նոր կոր, հաջորդ կորը։ Նոր կոր ստեղծելու համար անհրաժեշտ է մարդկային ստեղծագործականություն։
Այսպիսով, մենք ավելի շատ ժամանակ կունենանք նոր կորեր ստեղծելու համար։
Կարճ ասած՝ հիմնականում կորի վրա աշխատելուց կանցնենք հիմնականում նոր կորեր ստեղծելուն։
Այսպիսով, ստեղծագործականությունը կդառնա մեր աշխատանքի առանցքը։
Սա նոր հորիզոն է բացում մարդկության համար։ Այժմ մարդկությունը հնարավորություն ունի իրացնելու իր ողջ ներուժը՝ ստեղծագործականությունը։ Եվ սա Աստծո պատկերն է, որ մեզ ստեղծել է Իր պատկերով։ Եթե ավելի հեռուն նայենք, մենք կզբաղվենք մաքուր արարմամբ։
Մրցակցությունն այլևս բուն կորի վրա չի լինի։ Մրցակցությունը կլինի այն բանում, թե որքան հաճախ կարող է կազմակերպությունը նոր կորեր ստեղծել և թռչել դրանց վրա։ Խոսքը կլինի այն մասին, թե ով կարող է ավելի շատ կորեր ստեղծել։ Եվ սա ամբողջությամբ ստեղծագործականության մասին է։
Դպրոցներում և համալսարաններում կրթությունն ավելի մեծ շեշտ կդնի ստեղծագործական հմտությունների զարգացման, այլ ոչ միայն գիտելիքի վրա։
Ստորև S-կորի պատկերն է։ Սովորաբար կորի սկզբից մինչև դրա վերջը երկար ժամանակ է անցնում։
Նկ.S-կորի կյանքն ավանդական եղանակովկարող է երկար ժամանակ տևել՝ մինչև գագաթնակետին հասնելը։
Բայց այժմ ԱԲ-ի շնորհիվ մենք կկարողանանք նույն ժամանակահատվածում բազմաթիվ նոր կորեր ստեղծել, ինչպես ստորև նկարում։
Նկ. Երբ ազատվենք՝ մեր ժամանակի մեծ մասը ստեղծագործելուն տրամադրելու համար, ավելի հաճախ կստեղծագործենք և կնորարարենք։Նույն ժամանակահատվածում ժամանակ կունենանք բազմաթիվ նոր կորեր ստեղծելու համար։
Եվ կազմակերպության կյանքը կստանա հետևյալ ձևը՝
Նորարարություն – ԱԲ-ին սովորեցնել նորարարությունը – Նոր նորարարություն – սովորեցնել ԱԲ-ին – Նոր նորարարություն – սովորեցնել ԱԲ-ին – Նոր նորարարություն – սովորեցնել ԱԲ-ին - …
Մենք ոչ միայն ավելի հաճախ կնորարարենք նույն ժամանակահատվածում, այլև արդյունքում կարագացնենք առաջընթացը, ինչպես ցույց է տրված ստորև նկարում։
Նկ.Առաջընթացի տեմպի արագացում։
Ի՞նչ եք կարծում։
Համաձա՞յն եք այս տեսլականի հետ։
Կազմակերպական կառավարում
ԱԲ-ն EC-ում
Հեղինակ՝ Rama, Engineering Association
Հայերեն թարգմանություն
«ՉՈՒՇԱՆԱ՜Լ, ԵՏ ՉՄՆԱ՜Լ», – ԱՅՍ ՊԻՏԻ ԼԻՆԻ ԱՄԵՆ ՄԻ ՀԱՅԻ ՆՇԱՆԱԲԱՆԸ` ԻՆՉ ԳՈՐԾԻ ՏԵՐ ԷԼ ՈՐ ԼԻՆԻ
ՊԱՐՈՒՅՐ ՍԵՎԱԿ
EC-ում արդեն կան մի քանի ընկերություններ, որոնք փորձարկում են ԱԲ գործակալներ։ Այս ընկերություններն արդեն ստեղծել են խանդավառների ներքին խմբեր, որոնք ուսումնասիրում են ԱԲ գործակալները։ Այնուհետև նրանք կդառնան իրենց ընկերություններում ԱԲ-ի օգտագործման ջատագովները։
Կարծում եմ՝ մինչև 2025 թվականի վերջը EC-ի ընկերությունների մեծ մասը պետք է այս կամ այն կերպ ԱԲ գործակալներ ներառած լինի իրենց գործընթացներում։
Լավ կլիներ ստեղծել ԱԲ օգտատերերի համայնքային խումբ՝ այս գործընթացն արագացնելու համար։
Եվ շուտով կհասկանանք, որ ԱԲ-ն կազմակերպությունում ներառելը միայն ղեկավարության գործ չէ։ Շուտով կհասկանանք, որ ընկերության յուրաքանչյուր անձ պետք է կարողանա ստեղծել իր սեփական ԱԲ գործակալները։ ԱԲ գործակալներ ստեղծելը կդառնա այնպիսի հմտություն, ինչպիսին էլեկտրոնային փոստ, ինտերնետ կամ Excel օգտագործելն է։ Եվ երբ յուրաքանչյուրը կարողանա ԱԲ գործակալներ ստեղծել, յուրաքանչյուրը կունենա իր համար աշխատող ԱԲ գործակալների մի ամբողջ թիմ, ինչը կազատի նրա ժամանակը հետազոտությունների և նորարարության համար։
Արտադրական անկյուն
SMT արտադրական գծի բարելավում հատուկ սկուտեղով (TRAY)
Արտադրական գծի մակարդակն այնքան բարձրացավ, որ ինչ-որ պահի սկսեցինք ստանալ նախկինից շատ ավելի բարձր մակարդակի նախագծեր։ Եվ արտադրությունն իրականացնելու համար մեզ ավելի շատ սնուցիչներ (Feeders) էին անհրաժեշտ։
Նկ.Սնուցիչը սարք է, որն օգտագործվում է SMD բաղադրիչները մեքենային մատուցելու համար։
Անհրաժեշտ էր գնել ևս մոտ 20 սնուցիչ, որոնցից յուրաքանչյուրն արժե մոտ $900, և Narbeh Nahapetyan-ի հետ խորհրդակցելուց և ինտերնետում տարբեր նյութեր ուսումնասիրելուց հետո որոշվեց հատուկ սարք նախագծել և պատրաստել տեղում։ Մենք այն անվանեցինք TRAY (սկուտեղ)։
Մեր մեխանիկական արտադրության թիմը զբաղվեց այս հարցով, և մի քանի օրվա ընթացքում մենք արդեն ունեինք 2 սկուտեղ (Tray)՝ յուրաքանչյուրում բաղադրիչների համար 20 տեղով։
Արտադրանքն արդարացրեց բոլոր սպասելիքները ինչպես գործառական, այնպես էլ ֆինանսական տեսանկյունից…
Ø Սկուտեղի շնորհիվ բարձրացել են արտադրողականությունն ու որակը, քանի որ բաղադրիչները միշտ ամրացված են իրենց տեղում, և դա հանգեցրել է բաղադրիչների կորստի կրճատմանը՝ սնուցիչների համեմատ։
Ø Ինչպես արդեն նշվեց, մեկ սնուցիչն արժե մոտ $900, և այդպիսով մենք կարողացանք խնայել $18,000 - 95%։
Նկ.Սկուտեղներն արդեն տեղադրված են SMT արտադրական գծում և աշխատում են։
Վերոգրյալը հաշվի առնելով՝ որոշվեց ավելացնել երկրորդ տեղ ևս մեկ սկուտեղի համար, որը ներկայումս մշակման փուլում է։
Սա կկրճատի ձեռքով տեղադրման վրա ծախսվող ժամանակը։
Խոհեր
Նոր տարին դիմավորել մերկ ձեռքերով
Հեղինակ՝ Rama, Engineering Association
Հայերեն թարգմանություն
Այս տարի դժվարին տարի է լինելու։
Գլոբալ և տարածաշրջանային ուժերը դեռ չեն հավասարակշռվել։ Մեծ շահերի միջև հակասությունները չեն լուծվել։ Աշխարհը դեռ սպասում է նոր նորմալի։
Այս տարին նման կլինի կապանքներից ազատված վայրի ցուլի։
Ցուլին զսպելու համար ուժեղ ձեռքեր են պետք։
Դա կարելի է անել միայն միասին։ Հենց այդպիսի միավորված ձեռքեր եմ մաղթում մեզ բոլորիս այս տարի։
